ጐይታናን መድሓኒናን ኢየሱስ ክርስቶስ ድኻታት፣ ዝጠመዩ፣ ክንበኪ ከሎናንን ግፍዒ ኪወርደና ከሎን ንባረኽ ኢና ይብለና። እዚ ግና ትርጕም ዘይብሉ ኣይመስልን? ኣብ ከምዚ ዝኣመሰለ ኵነታት እንተ ኣሊና ፡ ብርግጽ ብዙሕ በረኸት ከም ዘይንረክብ ኮይኑ ይስመዓና ይኸውን። እሞ ደኣ እዚ ከመይ ኢሉ ክኸውን ይኽእል? ጐይታናን መድሓኒናን ኢየሱስ ክርስቶስ ከም ዝምህረና፡ እዚ ዘሎና ፀገማት ግዜያዊ ከም ዝዀነ ብምዝኽኻር ተስፋ ይህበና፣ ንእኡ ኽንስዕቦ ምስ እንመርጽ እንረኽቦ ሓጐስ ድማ ኣይወዳደርን እዩ ። ኣብቲ ንሱ ዘተስፈዎ ተስፋታት ኸነተኵር ከለና፡ ካብ ኣብ ስዕረት ስምዒት ምንባር ወጺና ተስፋ ንረክብ። ሕጂ ድኻታት ዘለዉ ኣብ መጻኢ መንግስቲ ክቕበሉ እዮም ይብለና። ነቶም ኣብዚ እዋን እዚ ጓሂ ዝመልኦም ሰባት እግዚኣብሄር ሰሓቅ ክገብረሎም እዩ። ሓደ እኳ ንጐይታና ኢየሱስ ክርስቶስ ብምስዓብ እንተ ተሰደዱ ፡ በይኖም ኣይኰኑን ዓብዪ ዓስቢ እውን ይጽበዮም ኣሎ። ጐይታናን መድሓኒናን ኢየሱስ ክርስቶስ ንዓለም ስዒሩዋ ኢዩ እሞ፡ ክንዮ ስቓይን ቃልስን እዛ ዓለም እዚኣ ተስፋ ኣሎ ። 

ምሳኻ ዝጽሊ ሰብ ትደሊዶ ?  ብዛዕባ እዚ ዛንታ ዝያዳ ከተንብብን መጽሓፍ ቅዱስ ኽትረክብን ትደሊዶ ?