ጐይታናን መድሓኒናን ኢየሱስ ክርስቶስ ተኣምራት ኪገብር ካብ ከኣለ፣ ሰባት ከምኡ ገሮም ከሳቅይዎ ዝፈቐደ ስለምንታይ እዩ? ስለምንታይ እዩ ንርእሱ ዘይተጣበቐላ? ኣምላኽ ነቶም ኣብርእሲኡ ከምዚ ዝገበሩ ሰባት ይቕረ ኺብለሎም ዝለመነ’ኸ ስለምንታይ እዩ ? ጐይታና ኢየሱስ ክርስቶስ ሞቱ ዕላማ ኸም ዘለዎን፣ ክፋል ናይቲ ኣምላኽ ንደቂ ሰብ ንምድሓን ዘውጸኦ መደብ ከም ዝዀነን ይፈልጥ ነበረ። ንሞት ኪስዕሮን፣ ንነፍሲ ወከፍ ሰብ ሓድሽ ህይወት ንኽረክብ ዕድል ኺህቦን ወሲኑ ነበረ። ንሰባት ኣዝዩ የፍቅሮም ስለ ዝነበረ፣ ህይወቱ ምእንትኦም እንተላይ ምእንቲ እቶም ህይወቱ ዝወሰዱ ሰባትን፣ ኬሕልፍ ፍቓደኛ ነበረ ። ጐይታናን መድሓኒናን ኢየሱስ ክርስቶስ ንዓይን ንዓኻን የፍቅረና እዩ! ብእኡ ሓድሽ ህይወት ክንረክብ ውን ንኽእል ኢና!